सूर्या लाइफको मुनाफामा ३८.४६%को गिरावट,अन्य सूचकको अवस्था कस्तो ?

9 दिन अगाडी
सूर्या लाइफको मुनाफामा ३८.४६%को गिरावट,अन्य सूचकको अवस्था कस्तो ?

काठमाण्डौ । सूर्या लाइफ इन्स्योरेन्स कम्पनी लिमिटेडले चालु आर्थिक वर्ष २०७८/७९ को तेस्रो त्रैमाससम्ममा ३ अर्ब ५८ करोड ३६ लाख ४४ हजार रुपैयाँ खुद बीमाशुल्क आर्जन गरेको छ। यो रकम गत वर्षको सोहि अवधिको तुलनामा १०.९० प्रतिशतले धेरै हो। गत आ.वको तेस्रो त्रैमाससम्ममा कम्पनीले ३ अर्ब २३ करोड १३ लाख ९२ हजार रुपैयाँ खुद बीमाशुल्क आर्जन गरेको थियो।

यस्तै समिक्षा अवधिसम्म कम्पनीले लगानी कर्जा तथा अन्यबाट हुने आय बापत ७१ करोड ८० लाख ३७ हजार रुपैयाँ आर्जन गरेको छ। अघिल्लो वर्षको तेस्रो त्रैमाससम्ममा यो रकम ६१ करोड ५९ लाख १२ हजार रुपैयाँमा सीमित थियो। त्यस्तै समीक्षा अवधिमा कम्पनीले ७२ करोड ९ लाख ९३ हजार रुपैयाँ खुद दाबी भुक्तानी गरेको छ। अघिल्लो वर्षको सोही अवधिमा यो रकम ५० करोड ७८ लाख ७४ हजार रुपैयाँ थियो।

समीक्षा अवधिमा कम्पनीले खुद नाफा घटेको छ ।। तेसे त्रैमासको अन्त्यसम्म कम्पनी १५ करोड ६ लाख ९५ हजार रुपैयाँ खुद मुनाफा आर्जन गर्न सफल भएको छ। यो रकम अघिल्लो वर्षको सोही अवधिकोभन्दा ३८.४६ प्रतिशतले कम हो। अघिल्लो वर्षको तेस्रो त्रैमाससम्मा कम्पनीले २४ करोड ४८ लाख ७६ हजार रुपैयाँ मुनाफा आर्जन गरेको थियो। समीक्षा अवधिसम्ममा अघिल्लो वर्षको तुलनामा कम्पनीको व्यवस्थापन खर्च ०.३१ प्रतिशतले बढेको छ।

कम्पनीको व्यवस्थापन खर्च ४४ करोड २२ लाख ९८ हजार रुपैयाँ छ। अघिल्लो वर्ष कम्पनीको व्यवस्थापन खर्च ४४ करोड ९ लाख ४१ हजार रुपैयाँ थियो। त्यस्तै समीक्षा अवधिमा कम्पनीको जीवन बीमा कोषको आकार बढेर १३ अर्ब ३५ करोड ५८ लाख ८८ हजार रुपैयाँ पुगेको छ। अघिल्लो वर्ष कम्पनीको जीवन बीमा कोषको आकार १० अर्ब १ करोड ३८ लाख ६८ हजार रुपैयाँमा सीमित थियो। अघिल्लो वर्ष ७६ करोड ७० लाख ४८ हजार  रुपैयाँको रहेको कम्पनीको जगेडा तथा कोषको आकार घटेर ५९ करोड ४६ लाख ८७ हजार रुपैयाँको उचाइमा पुगेको छ। त्यस्तै समीक्षा अवधिसम्म कम्पनीले ३ लाख ८१ हजार ८७७ बीमालेख संख्या जारी गरेको छ।

अघिल्लो वर्षको पहिलो त्रैमाससम्ममा कम्पनीले ३ लाख ३२ हजार ६०४ बीमालेख जारी गरेको थियो। कम्पनीको प्रति सेयर आम्दानी(इपिएस) ७.८८ रुपैयाँ, मूल्य आम्दानी अनुपात ८४.१५, प्रति सेयर नेटवर्थ १२०.३१ रुपैयाँ र प्रति सेयर कुल सम्पत्तिको मूल्य ६७९.५ रुपैयाँ रहेको छ ।


Share this with your friends: