प्राइम लाइफ इन्स्योरेन्सको संस्थापक सेयर साधारण सेयरमा परिणत गरिने
काठमाण्डौ । प्राइम लाइफ इन्स्योरेन्स कम्पनी लिमिटेडको सेयर संरचना परिवर्तन गरिने भएको छ । कम्पनीले ६०ः४० अनुपातमा सेयर संरचना परिवर्तन गर्न लागेको हो ।
अब कम्पनीमा संस्थापक सेयरधनीको स्वामित्व ६० प्रतिशत र सर्वसाधारणको स्वामित्व ४० प्रतिशत कायम रहने छ ।
प्राइम लाइफको प्रबन्धपत्रमा संस्थापक तथा सर्वसाधारण समूहको सेयर स्वामित्व ७०ः३० प्रतिशत कायम रहेकोमा कम्पनीको १४ औँ वार्षिक साधारण सभाबाट उक्त अनुपात ६०ः४० कायम गर्ने विशेष प्रस्ताव पारित भएको थियो । उक्त प्रस्तावका विषयमा बीमा समिति समक्ष राय सुझावका लागि पेश गरिएकोमा समितिले संस्थापक समूहको ७० प्रतिशतबाट ६० प्रतिशत कायम गर्न स्वीकृती प्रदान गरेको छ ।
समितिको स्वीकृती अनुरुप अब कम्पनीले संस्थापक सेयर संरचना परिवर्तन गर्न लागेको हो । कम्पनीले यो अनुपातमा संस्थापक सेयर कायम गरी बाँकी सेयर सर्वसाधारण सेयरमा परिवर्तन गर्न नचाहेमा सूचना प्रकाशित भएको मितिबाट ७ दिनभित्र कम्पनीको प्रधान कार्यालयमा आईपुग्ने गरी जानकारी उपलब्ध गराउन संस्थापक सेयरधनीहरुलाई कम्पनीले आग्रह गरेको छ ।
उक्त मितिभित्र सेयर परिवर्तन गर्नेरनगर्ने जानकारी प्राप्त नभएमा प्रचलित कानुन बमोजिम सर्वसाधारण समूहमा सेयर परिवर्तन गरिने कम्पनीले जनाएको छ ।
