काठमाण्डौ । मेट लाइफ नेपालले क्लिन अप नेपालसँगको साझेदारीमा बुढानिलकण्ठ मन्दिरमा सरसफाई कार्यक्रम आयोजना गरेको छ । कम्पनीले सांस्कृतिक धरोहरका रुपमा रहेको बुढानिलकण्ठ मन्दिरको सरसफाईका लागि ‘लिटर क्लिन अप इभेन्ट’ आयोजना गरेको हो ।
कम्पनीले सबै सरोकारवालाहरूलाई स्वास्थ्य र वातावरणमा फोहोरको नकारात्मक प्रभावहरू र यसलाई कसरी कम गर्न सकिन्छ भन्ने चेतना जगाउनका लागि उक्त कार्याक्रमको आयोजना गरेको जनाएको छ ।
कार्यक्रममा बुढानिलकण्ठ नारायणथान व्यवस्थापन समिति, सामुदायिक प्रहरी सेवा केन्द्र, महानगरीय प्रहरी प्रभाग, वातावरण संरक्षण अभियान नेपाल र युवा समूहको सहभागिता रहेको थियो ।
कम्पनीले यसलाई समुदायहरूमा स्वयमसेवा गतिविधिहरूमा संलग्न हुन प्रोत्साहित गर्न कम्पनीको विश्वव्यापी अभियानको हिस्सा भएको जनाएको छ ।