काठमाण्डौ । मुक्तिनाथ विकास बैंक लिमिटेडको बोनस सेयर सेयरधनीहरुको हितग्राही खातामा जम्मा गरिएको छ। बैंकको गत मंसिर २५ गते सम्पन्न १५ औँ वार्षिक साधारण सभाबाट पारित १७.७५ प्रतिशत बोनस सेयर बुक क्लोज हुँदासम्म अभौतिकीकरण गराएका सेयरधनीहरुको हितग्राही खातामा फागुन २ गतेदेखि जम्मा गरिएको हो।
बैंकले उक्त बोनस सेयर नेप्से र सिडिएस एण्ड क्लियरिङमा सूचिकृत तथा दर्ता भई अभौतिक रुपमा कारोबार हुने व्यवस्था गरिएको जनाएको छ। बुक क्लोज मितिपश्चात सेयर अभौतिकीकरण गराएका सेयरधनीहरुको हकमा भने उक्त बोनस सेयर क्रमशः हितग्राही खातामा जम्मा गरिने व्यवस्था मिलाइएको बैंकले जनाएको छ।