काठमाण्डौ । हिमालयन पावर पार्टनर लिमिटेडले वार्षिक साधारण सभा डाकेको छ। कम्पनीको गत पुस ६ गते बसेको सञ्चालक समितिको बैठकले ८ औँ वार्षिक साधारण सभा डाकेको हो।
बैठकले आउँदो पुस २९ गते काठमाण्डौ महाराजगञ्ज स्थित कम्पनीको रजिष्टर्ड कार्यालयमा अपरान्ह २ बजे सभा भर्चुअल माध्यम(जुम भिडियो कन्फ्रेन्स)बाट आयोजना गर्ने निर्णय गरेको छ।
सभामा सञ्चालक समितिको तर्फबाट अध्यक्षद्वारा प्रस्तुत गरिने आ.व २०७६/७७ को वार्षिक प्रतिवेदनमाथि छलफल गरी पारित गरिनेछ। यसैगरी लेखापरीक्षकको प्रतिवेदन सहितको आ.व २०७६÷७७ को वासलात, नाफा नोक्सान हिसाब, नगद प्रवाह विवरण लगायतका अन्य आर्थिक विवरणहरुमाथि छलफल गरी पारित गरिनुका साथै आ.व २०७७÷७८ का लागि लेखापरीक्षकको नियुक्ती र निजको पारिश्रमिक निर्धारण गर्ने प्रस्ताव समेत पारित गरिनेछ।
साधारण सभा प्रयोजनका लागि कम्पनीले आउँदा पुस १६ गते एक दिनका लागि बुक क्लोज गर्ने निर्णय गरेको छ।