एनएमबी फिफ्टी र एनबएमबी हाइब्रिड फन्ड एल १ को बुक क्लोज मिति तय
2021-08-20
काठमाण्डौ । एनएमबी म्युचुअल फन्ड अन्तर्गत सञ्चालन हुने दुईवटा म्युचुअल फन्डको बुक क्लोज मिति तय गरिएको छ । एनएमबी बैंक कोष प्रवद्र्धक तथा एनएमबी क्यापिटल लिमिटेड योजना व्यवस्थापक रहेको एनएमबी फिफ्टी र एनबएमबी हाइब्रिड फन्ड एल १ को बुक क्लोज मिति तय गरिएको हो ।
लाभांस वितरण प्रयोजनका लागि यी दुवै म्युचुअल फन्डको बुक क्लोज आगामी भदौ १८ गते गर्ने निर्णय गरिएको छ । यसर्थ भदौ १७ गतेसम्म कायम इकाइधनीहरु मात्रै फन्डद्वारा घोषणा गरिएको लाभांस प्राप्त गर्न योग्य हुनेछन् ।
आर्थिक वर्ष २०७७/७८ का लागि एनएमबी फिफ्टीका इकाइधनीहरुका लागि ३० प्रतिशत नगद लाभांर र एनबएमबी हाइब्रिड फन्ड एल १ का लागि २० प्रतिशत नगद लाभांसको घोषणा गरिएको छ ।
