धौलागिरी लघुवित्तले आईपीओ निष्कासन गर्ने,बिक्री प्रबन्धकमा सनराइज क्यापिटल नियुक्त
काठमाण्डौ । धौलागिरी लघुवित्त वित्तीय संस्था लिमिटेडले सर्वसाधारणका लागि आईपीओ निष्कासन गर्ने भएको छ ।
संस्थाले सर्वसाधारणका लागि ३ करोड रुपैयाँबराबरको १०० रुपैयाँ अंकित दरका कुल ३ लाख कित्ता आईपीओ निष्कासन गर्ने भएको हो ।
आईपीओ निष्कासनका लागि संस्थाले बिक्री प्रबन्धकमा सनराइज क्यापिटल लिमिटेडलाई नियुक्त गरेको छ। बिक्री प्रबन्धक नियुक्तिसम्बन्धी सम्झौतापत्रमा संस्थाका तर्फबाट प्रमुख कार्यकारी अधिकृत मीनबहादुर बोहरा र सनराइज क्यापिटलका तर्फबाट प्रमुख कार्यकारी अधिकृत विजयलाल श्रेष्ठले आज काठमाण्डौको कमलपोखरीस्थित सनराइज क्यापिटलको कार्यालयमा हस्ताक्षर गरेका छन्।
धौलागिरी लघुवित्त राष्ट्रियस्तरको लघुवित्त वित्तीय संस्थाको इजाजपत्र प्राप्त गरी २०७५फागुन १ गतेदेखि वित्तीय कारोबार गर्दै आइरहेको छ। संस्थाले २०७८ पुस मसान्त सम्ममा नेपालका २० जिल्लामा ४६ वटा शाखा कार्यालयमार्फत कुल १९१ जना कर्मचारी परिचालन गरी ३४ हजार ४३८ सदस्यलाई आफ्नो लघुवित्त सेवा प्रदान गर्दै आइरहेको छ।
सोही अवधिसम्ममासंस्थाको कुल कर्जा लगानीतर्फ रु। १ अर्ब ४४ करोड, निक्षेप संकलनतर्फ रु। ६२ करोड १४ लाख रहेकोमा अन्तरबैंक सापटी रु। ६१ करोड ८० लाख रहेको छ।
हाल चुक्तापुँजी ७ करोड रहेकोमा सार्वजनिक सेयर निष्कासन भएपश्चात रु। १० करोड चुक्तापुँजी कायम हुनेछ । हाल जगेडा तथा कोषहरुतर्फ कुल रु। १० करोड ३८ लाख रहेको छ।
आर्थिक वर्ष २०७७/७८ को आसार मसान्तसम्ममा संस्थाको वितरण योग्य मुनाफा रु। २ करोड ६० लाख रहेकोमा पुस मसान्तसम्म आइपुग्दा उक्त वितरणयोग्य मुनाफा रु।४ करोड ९ लाख पुगेको छ। आर्थिक वर्ष २०७७र७८ को मसान्तमा प्रतिसेयर आम्दानी रु।५०।१२ भन्दा बढी कायम गरेकोमा चालु आर्थिक वर्षको पुसमसान्त सम्ममा आइपुग्दा रु।६१।४५ प्रतिसेयर आम्दानी कमाउन सफल भएको संस्थाका प्रमुख कार्यकारी अधिकृत मीनबहादुर बोहराले जानकारी गराए।
