बैंक अफ काठमाण्डूले डाक्यो वार्षिक साधारण सभा, यस्ता छन् मुख्य अजेन्डा
काठमाण्डौ । बैंक अफ काठमाण्डू लिमिटेडले वार्षिक साधारण सभा डाकेको छ । बैंकको कात्तिक २९ गते बसेको सञ्चालक समितिको बैठकले बैंकको २७ औँ वार्षिक साधारण सभा डाकेको हो ।
बैठकले आगामी मंसिर २९ गते बुधबारका दिन बिहान १० बजे नेपाल प्रज्ञा प्रतिष्ठान काठमाण्डौमा भर्चुअल माध्यम जुम एपका माध्यमबाट सभा आयोजना गर्ने निर्णय गरेको हो । उक्त सभामा बैंकको सञ्चालक समितिको तर्फकाट प्रस्ताव गरिएको १० प्रतिशत बोनस सेयर र ४ नगद लाभांस गरी कुल १४ प्रतिशत लाभांस वितरणको प्रस्ताव पारित गरिनेछ ।
यस्तै बैंकको प्रबन्धपत्रको प्रस्तावित संशोधनमा नियमनकारी निकाय वा कार्यालयबाट कुनै फेरबदल गर्न सुझाब भएमा सो बमोजिम आवश्यक फेरबदल गर्न सञ्चालक समिति वा पदाधिकारीहरुलाई अख्तियारी दिने विशेष प्रस्ताव पारित गरिनेछ ।
सभामा आर्थिक वर्ष २०७७/७८ को सञ्चालक समितिको वार्षिक प्तिवेदनमाथि छलफल गरी पारित गरिनेछ । यसैगरी लेखापरीक्षकको प्रतिवेदनसहितको २०७८ असार मसान्तसम्मको वासलात, नाफा नोक्सान हिसाब तथा सोहि अवधिको नगद प्रवाह विवरण लगायतका वित्तीय विववरणहरुमाथि छलफल गारी पारित गरिनुका साथै आर्थिक वर्ष २०७८/७९ को लेखापरीक्षणका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित गरिनेछ ।
वार्षिेक साधारण सभा तथा लाभांस वितरण प्रयोजनका लागि बैंकले आगामी मंसिर १० गते देखि २९ गतेसम्म बुक क्लो्ज गर्ने निर्णय गरेको छ । यसर्थ मंसिर ९ गतेसम्म कायम सेयरधनीहरुमात्रै बैंकद्वारा प्रस्तावित लाभांस प्राप्त गर्न तथा सभामा सहभागी हुने योग्य हुनेछन् ।
