स्वाभिमान लघुवित्तद्वारा लाभांस वितरणको प्रस्ताव, बोनस र नगद कति ?
काठमाण्डौ । स्वाभिमान लघुवित्त वित्तीय संस्था लिमिटेडले लाभांस वितरणको प्रस्ताव गरेको छ। संस्थाको गत माघ ४ गते बसेको सञ्चालक समितको बैठकले गत आर्थिक वर्षका लागि सेयरधनीहरुलाई लाभांस वितरण गर्ने प्रस्ताव गरेको हो।
बैठकले आ.व २०७६/७७ सम्मको मुनाफाबाट २० प्रतिशत बोनस सेयर र १.०५ प्रतिशत नगद लाभांस गरी कुल २१.०५ प्रतिशत लाभांस वितरणको प्रस्ताव गरेको हो। संस्थाद्वारा प्रस्तावित कुल लाभांसमा २०७७ असार मसान्तसम्म कायम चुक्तापूँजी ७ करोड ६७ लाख ७ हजार ६४० रुपैयाँको २० प्रतिशतले हुन आउने १ करोड ५३ लाख ४२ हजार ३६० रुपैयाँ बराबरको बोनस सेयर र १.०५ प्रतिशतले हुन आउने ८ लाख ७ हजार ४ सय ९२.६३ रुपैयाँ बराबरको नगद लाभांस(कर प्रयोजनका लागि) वितरणको प्रस्ताव गरेको हो।
यसरी संस्थाले आफ्ना सेयरधनीलाई कुल २१.०५ प्रतिशतले हुन आउने १ करोड ६१ लाख ४९ हजार ८५२.६३ रुपैयाँ बराबरको लाभांस वितरणको प्रस्ताव गरेको छ।
यो लाभांस नेपाल राष्ट्र बैंकबाट स्वीकृत भएपछि संस्थाको आगामी वार्षिक साधारण सभाबाट पारित गरी सेयरधनीहरुलाई वितरण गरिनेछ।
