माछापुच्छ्रे बैंकद्वारा वृक्षरोपण कार्यक्रम सम्पन्न
2021-07-30
काठमाण्डौ । माछापुच्छ्रे बैंक लिमिटेडले वृक्षरोपण कार्यक्रम सम्पन्न गरेको छ। बैंकले आफ्नो सामाजिक उत्तरदायित्व कार्यक्रम अन्तर्गत काठमाण्डौ महानगरपालिका वडा नं. ३ को मूल सडक महाराजगन्ज सल्लाघारीदेखि न्युरो अस्पताल बाँसबारीसम्म १०० बिरुवा वृक्षरोपण गरेको हो।
वृक्षारोपण कार्यक्रममा माछापुच्छ्रे बैंकका तर्फबाट प्रमुख कार्यकारी अधिकृत सन्तोष कोइराला र काठमाण्डौ वडा नं. ३ का वडाध्यक्ष दीपक केसीले वृक्षरोपण गरी कार्यक्रमको सुरुआत गरेका थिए।
हालसम्म बैंकले ८३ वटा शाखा, २ वटा एक्सटेन्सन काउन्टरहरुलगायत २१ शाखारहित बैंकिङ सेवासमेत गरी जम्मा १०६ स्थानबाट ग्राहकलाई सम्पूर्ण बैंकिङ सुविधा प्रदान गरिरहेको छ। यसका साथै बंैकको देशभर ९१ वटा एटीएम सञ्चालनमा रहेको छ।
