काठमाण्डौ । एनआरएन लघुवित्त वित्तीय संस्था लिमिटेडको स्थगित विशेष साधारणसभा आज हुँदै छ।
संस्थाको गत असोज ४ गते बसेको सञ्चाकल समितिको ५२ औँ बैठकको निर्णअनुसार कोरोना महामारीका कारण स्थगित विशेष साधारणसभा आज हुन गइरहेको हो।
संस्थाको यो सभा धनगटीस्थित दिनेश होटलमा आयोजना हुनेछ।
सभामा एफपीओ निष्कासन र संस्थाको नाम ठेगाना परिवर्तन गर्ने मुख्य अजेन्डाहरुले प्रवेश पाउनेछन्।
सभामा संस्थाले पुनःसर्वसाधारणका लागि एफपीओ जारी गर्ने विशेष प्रस्ताव पारित हुनेछ।
यसैगरी नेपाल राष्ट्र बैंकको निर्देशनअनुसार संस्थाको नाम परिवर्तन गरी प्रबन्धपत्र र नियमावलीका सम्बद्ध दफाहरु संशोधन गर्ने प्रस्ताव पनि सभामा अनुमोदन हुनेछ।
सभाले संस्थामा गाभिएका साविकका किसान माइक्रोफाइनान्स वित्तीय संस्था र दिव्य लघुवित्त वित्तीय संस्थासँगको मर्जर अनुमोदन गर्नेछ। मर्जरपछि कायम रहने एनआरएन लघुवित्तको आगामी चारवर्षे कार्यकालका लागि चारजना संस्थापक र दुईजना सर्वसाधारणका तर्फबाट गरी जम्मा ६ जना सञ्चालकको निर्वाचन गर्ने निर्णय पनि सभाले पारित गर्नेछ।