गरिमा विकास बैंकको ऋणपत्रमा आवेदन दिने आज अन्तिम दिन
काठमाण्डौ । गरिमा विकास बैंक लिमिटेडको ऋणपत्रमा आवेदन दिने आज(पुस १ गते)अन्तिम दिन रहेको छ । बैंकले ऋणपत्र बन्द छिटोमा मंसिर २० गते हुने जनाएता पनि माग अनुसार आवेदन नपरेका कारण आवेदन दिने समयावधि थप गरिएको थियो ।
बैंकले गत मंसिर १६ गतेदेखि ऋणपत्र निष्कासन गरेको थियो ।
बैंकले १ हजार रुपैयाँ अंकित दरका कुल १० लाख कित्ता भएको ७ वर्षे अवधिको ‘ गरिमा डिबेन्चर २०८५’नामक ऋणपत्र निष्कासन गरेको हो ।
कुल निष्कासनमध्ये ६ लाख इकाइ व्यक्तिगत तवरबाट र बाकीँ ४ लाख इकाइ भने आम सर्वसाधारणका लागि निष्कासन गरिएको छ। सर्वसाधारणका लागि निष्कासन गरिने कुल ऋणपत्रमध्ये ५ प्रतिशत अर्थात २० हजार इकाइ सामूहिक लगानी कोषलाई बाँडफाँडपऋणपत्रसहितश्चात बाँकी रहेको ३ लाख ६० हजार इकाइ सर्वसाधारणका लागि निष्कासन गरिएको छ।
यो ऋणपत्रमा सि–आस्बा सेवामा सहभागी बैंक तथा वित्तीय संस्थाहरु र तिनका शाखा कार्यालयहरुबाट आवेदन दिन सकिनेछ।
इच्छुक लगानीकर्ताले न्यूनतम २५ कित्ता र अधिकतममा १ लाख कित्ता लागि आवेदन दिन सक्नेछन् ।
यो ऋणपत्रमा लगानी गरेबापत लगानीकर्ताले वार्षिक ८.७५ प्रतिशत ब्याज प्राप्त गर्नेछन् ।
यो ऋणपत्रको निष्कासनकर्ता तथा बिक्री प्रबन्धकको रुपमा एनआईबिएल एस क्यापिटल लिमिटेड रहेको छ।
