समृद्धि फाइनान्सको अवितरित हकप्रदमा आवेदन दिने आज अन्तिम दिन

2020-12-02
समृद्धि फाइनान्सको अवितरित हकप्रदमा आवेदन दिने आज अन्तिम दिन

काठमाण्डौ । समृद्धि फाइनान्स कम्पनी लिमिटेडको अवितरित हकप्रद सेयरको लिलामीमा (मंसिर १७ गते)खरिद आवेदन दिने आज अन्तिम दिन रहेको छ। मंसिर १० गतेबाट  खुला गरिएको  कम्पनीको १८ लाख ५१ हजार ३५७ कित्ता हकप्रद सेयर लिलामीमा आवेदन दिने आज अन्तिम दिन रहेको हो। 

कम्पनीले गत असोज १६ गतेदेखि कात्तिक ६ गतेसम्म हकप्रद सेयर जारी गरेको थियो। कम्पनीले हकप्रद जारी गर्दा खरिद आवेदन नपरेको १८ लाख ५१ हजार ३५७ कित्ता हकप्रद सेयर लिलामीमा राख्न लागेको हो। यसमध्ये संस्थापक समूहको १३ लाख ८५ हजार २३८ कित्ता र सर्वसाधारण समूहको ४ लाख ६६ हजार ८९ कित्ता रहेका छन्। 

कम्पनीले लिलामीमा राख्न लागेको सेयर खरिदका लागि इच्छुक व्यक्ति तथा संघसंस्थाले धितोपत्र निष्कासन तथा बिक्री प्रबन्धक बीओके क्यापिटल मार्केट लिमिटेडको काठमाण्डौको कमलादीस्थित कार्यालयमा मंसिर १७ गते बैंकिङ समयभित्र बोलपत्र पेस गर्नु पर्नेछ। 

 


Share this with your friends: