आईसीएफसी फाइनान्सद्वारा लाभांस प्रस्ताव
2020-12-07
काठमाण्डौ । आईसीएफसी फाइनान्स लिमिटेडले लाभांस प्रस्ताव गरेको छ। कम्पनीको आइतबार बसेको सञ्चालक समितिको बैठकले गत आर्थिक वर्ष २०७६/७७ का लागि लाभांस प्रस्ताव गरेको हो।
प्रस्तावित लाभांसमा गत असार मसान्तसम्म कायम चुक्तापुँजी ९२ करोड ६५ लाख २ हजार रुपैयाँको कुल १५ प्रतिशतले हुन आउने १३ करोड ८९ लाख ७५ हजार ३०० रुपैयाँबराबरको लाभांश रहेका छन्।
कुल १५ प्रतिशतमध्ये १०.५० प्रतिशतले हुन आउने ९ करोड ७२ लाख ८२ हजार ७१० रुपैयाँबराबरको बोनस सेयर र ४.५० प्रतिशतले हुन आउने ४ करोड १६ लाख ९२ हजार ५९० रुपैयाँबराबरको नगद लाभांश वितरणको प्रस्ताव गरिएको छ।
यो लाभांस नेपाल राष्ट्र बैंकबाट स्वीकृत भएपछि आगामी वार्षिक साधारणसभाबाट अनुमोदन गरी सेयरधनीहरुलाई वितरण गरिनेछ।
