काठमाण्डौ । एनआईसी एशिया बैंकले आर्थिक वर्ष २०७६/७७ का लागि आफ्ना सेयरधनीहरुलाई लाभांस वितरण गर्ने प्रस्ताव गरेको छ। बैंकको हिजो(मंगलबार) सम्पन्न सञ्चालक समितिको बैठकले आर्थिक वर्ष २०७६/७७ को मुनाफा तथा सञ्चित मुनाफाबाट बैंकको चुक्तापूँजीको २० प्रतिशत लाभांश वितरणको प्रस्ताव गर्ने निर्णय गरेको हो ।
बैंकले रु. १ अर्ब ९४ करोड ३५ लाख रुपैयाँ बराबरको लाभांश वितरणको निर्णय गरेको हो ।
प्रस्तावित लाभांश मध्ये १९ प्रतिशत बोनस शेयर र कर प्रयोजनका लागि १ प्रतिशत नगद वितरणको प्रस्ताव गरेको छ ।
प्रस्तावित लाभांश नेपाल राष्ट्र बैंक तथा बैंकको आगामी २३ औं वार्षिक साधारण सभाको स्वीकृतपश्चात् आवश्यक नियमनकारी प्रक्रिया पूरा गरी बैंकका शेयरधनीहरूलाई वितरण गरिनेछ ।