काठमाण्डौ । नेपाल स्टक एक्सचेन्ज(नेप्से)मा दुई कमपनीको बोनस सेयर सूचीकृत भएको छ। आज नेप्सेमा समता लघुवित्तको २० प्रतिशत बोनस सेयर अर्थात ३ लाख ८२ हजार २३३.६० कित्ता बोनस सेयर र गुडविल फाइनान्सको ८.४ प्रतिशत अर्थात ६ लाख ७२ हजार कित्ता गरी कुल १० लाख ५४ हजार २३३.६० कित्ता बोनस सेयर सूचीकृत भएको हो।
समता लघुवित्तले गत आर्थिक वर्षका लागि २० प्रतिशत बोनस सेयर र ६.३२ प्रतिशत नगद लाभांस गरी कुल २६.३२ प्रतिशत लाभांस वितरण गरेको थियो। यस्तै गुडविल फाइनान्सले पनि गत आर्थिक वर्षका लागि ८.४ प्रतिशत बोनस सेयर र ३.६ प्रतिशत नगद लाभांस गरी कुल १२ प्रतिशत लाभांस वितरण गरेको थियो।