काठमाण्डौ । लुम्बिनी जनरल इन्स्योरेन्स कम्पनी लिमिटेडले चालु आर्थिक वर्ष २०७७/७८ को पहिलो त्रैमासको अन्त्यसम्ममा १९ करोड ७८ लाख रुपैयाँ खुद बीमाशुल्क आर्जन गरेको छ। यो रकम अघिल्लो वर्षको सोहि अवधिको तुलनामा २.०१ प्रतिशतले धेरै हो। अघिल्लो वर्षको पहिलो त्रैमासको अन्त्यसम्ममा कम्पनीको खुद बीमा शुल्क आर्जन १९ करोड ३९ लाख रुपैयाँ थियो।
समीक्षा अवधिमा कम्पनीले लगानी कर्जा तथा अन्यबाट हुने आय बापत १ करोड २४ लाख रुपैयाँ आर्जन गरेको छ। जुन रकम गत वर्षको सोहि अवधिको तुलनामा ८.१५ प्रतिशतले कम हो। अघिल्लो आर्थिक वर्षको सोही अवधिमा यो रकम १ करोड ३५ लाख रुपैयाँ थियो।
त्यस्तै समीक्षा अवधिमा कम्पनीको दाबी भुक्तानस्मा कमी आएको छ। यो अवधिमा कम्पनीले ७ करोड २२ लाख रुपैयाँ खुद दाबी भुक्तानी गरेको छ। समीक्षा अवधिमा कम्पनीको दाबी भुक्तानी ३५.१३ प्रतिशतले कम हो। अघिल्लो वर्ष कम्पनीले ११ करोड १३ लाख रुपैयाँ खुद दाबी भुक्तानी गरेको थियो।
समीक्षा अवधिमा कम्पनीको खुद मुनाफा वृद्धि भएको छ। पहिलो त्रैमासको अन्त्यसम्म कम्पनी ४ करोड २९ लाख रुपैयाँ खुद मुनाफा आर्जन गर्न सफल भएको छ। यो रकम अघिल्लो वर्षको सोही अवधिको तुलनामा १४.७१ प्रतिशतले बढि हो।
अघिल्लो वर्षको तुलनामा समीक्षा अवधिमा कम्पनीको व्यवस्थापन खर्च ०.२१ प्रतिशतले बढेको छ। कम्पनीको व्यवस्थापन खर्च ४ करोड ७० लाख रुपैयाँ रहेको छ।
यसैगरी समीक्षा अवधिमा कम्पनीको बीमा कोषको आकार बढेर ६६ करोड ५९ लाख रुपैयाँ पुगेको छ। अघिल्लो आर्थिक वर्षको पहिलो त्रैमासको अन्त्यसम्म कम्पनीको जीवन बीमा कोषको आकार ५८ करोड ८५ लाख रुपैयाँमा सीमित थियो।
अघिल्लो वर्षको पहिलो त्रैमासमा २८ करोड १७ लाख रुपैयाँमा सीमित रहेको कम्पनीको जगेडा तथा कोषको आकार घटेर २६ करोड ५ लाख रुपैयाँमा सीमित बन्न पुगेको छ ।
कम्पनीले समीक्षा अवधिसम्म ४० हजार ७९६ बीमालेख जारी गरेको छ।
यस्तै कम्पनीको प्रतिसेयर आम्दानी १५.०३ रुपैयाँ, पिई अनुपात ३४.२१ गुणा र प्रति सेयर नेटवर्थ १८६.५९ रुपैयाँ रहेको छ।