सिद्धार्थ इन्स्योरेन्सद्वारा ७४.१७ करोड बढी खुद बीमाशुल्क आर्जन, बीमा कोषको आकार २१.८३%ले बढ्यो

काठमाण्डौ । सिद्धार्थ इन्स्योरेन्स कम्पनी लिमिटेडले चालु आर्थिक वर्षको तेस्रो त्रैमाससम्ममा ७४ करोड १७ लाख ४९ हजार रुपैयाँ खुद बिमाशुल्क आर्जन गरेको छ। यो रकम अघिल्लो वर्षको सोही अवधिको तुलनामा २१.२७ प्रतिशतले बढी हो। अघिल्लो वर्ष कम्पनीको खुद बिमाशुल्क आर्जन ६१ करोड १६ लाख ३१ हजार रुपैयाँ थियो। 

समीक्षा अवधिमा कम्पनीले लगानी कर्जा तथा अन्यबाट हुने आय बापत ८ करोड २९ लाख ४५ हजार रुपैयाँ आर्जन गरेको छ। जुन रकम गत वर्षको सोही अवधिको तुलनामा २४.६० प्रतिशतले बढी हो। अघिल्लो वर्षको सोही अवधिमा यो रकम ६ करोड ६५ लाख ६९ हजार रुपैयाँमा सीमित थियो। 
त्यस्तै समीक्षा अवधिमा कम्पनीले ४३ करोड ९९ लाख ७२ हजार रुपैयाँ खुद दाबी भुक्तानी गरेको छ। अघिल्लो वर्षको सोही अवधिमा यो रकम ३७ करोड २२ लाख ७० हजार रुपैयाँ थियो। यसरी हेर्दा अघिल्लो वर्षको तुलनामा कम्पनीले १८.१९ प्रतिशत बढी खुद दाबी भुक्तानी गरेको छ। 

यो अवधिमा कम्पनीको खुद मुनाफा बढेको छ। तेस्रो त्रैमासको अन्त्यसम्म कम्पनी १७ करोड ७४ हजार रुपैयाँ खुद मुनाफा आर्जन गर्न सफल भएको छ। यो रकम अघिल्लो वर्षको सोही अवधिकोभन्दा ६.०७ प्रतिशतले बढी हो। अघिल्लो वर्ष कम्पनीले १६ करोड ३ लाख ३६ हजार रुपैयाँ खुद नाफा आर्जन गरेको थियो। 

समीक्षा अवधिमा कम्पनीकोे व्यवस्थापन खर्च १.७९ प्रतिशतले बढेको छ। कम्पनीको व्यवस्थापन खर्च २५ करोड ७१ लाख ६६ हजार रुपैयाँ रहेको छ। अघिल्लो वर्षको सोही अवधिमा कम्पनीको व्यवस्थापन खर्च २५ करोड २६ लाख २३ हजार रुपैयाँ थियो। 

त्यस्तै समीक्षा अवधिमा कम्पनीको बिमा कोषको आकार बढेर ९२ करोड २९ लाख ९३ हजार रुपैयाँ भएको छ। यो आकार अघिल्लो वर्ष ७५ करोड ७६ लाख ८ हजार रुपैयाँको थियो । कम्पनीले जगेडा तथा कोषको आकार पनि बढाएर ३९ करोड ३२ लाख ६६ हजार रुपैयाँ पुर्याएको छ । अघिल्लो वर्ष यो कोषको आकार २३ करोड ८४ लाखमा २९ हजार रुपैयाँमा सीमित थियो । 

अघिल्लो आर्थिक वर्षको तेस्रो त्रैमाससम्ममा १ लाख ५० हजार ३५६ वटा बीमालेख जारी गरेको कम्पनीले समीक्षा अवधिको वर्षसम्ममा १ लाख ३ हजार ९३३ वटा बीमालेख जारी गरेको छ। 

यस्तै कम्पनीको प्रतिसेयर आम्दानी २२.६८ रुपैयाँ, पीई रेसिया ५५.५६ गुणा, प्रतिसेयर नेटवर्थ २३८.४१ रुपैयाँ, प्रति सेयर कुल सम्पत्तिको मूल्य ४९०.०२ रुपैयाँ रहेको छ।