काठमाण्डौ । एनआईसी एशिया बैंक लिमिटेडको स्वामित्वमा रहेको आरएमडीसी लघुवित्त वित्तीय संस्था लिमिटेडको लिलामीमा राखिएको संस्थापक सेयरमा आवेदन दिने अन्तिम दिन रहेको छ । बैंकको स्वामित्वमा रहेको संस्थाको ४ लाख ५८ हजार २५५ कित्ता संस्थापक सेयरमा आवेदन दिने अन्तिम दिन रहेको हो । संस्थाको संस्थापक सेयर गत वैशाख २२ गतेदेखि लिलामीमा राखिएको थियो।
यो सेयर खरिदका लागि इच्छुक विद्यमान संस्थापकहरु, वा जो कोहि व्यक्ति, कम्पनी, संघ संस्थाहरुले बोलपत्र आवेदन पेश गर्न सक्नेछन्। सेयर खरिदका लागि न्यूनतम मूल्य प्रतिकित्ता ४०८ रुपैयाँ तोकिएको छ। लगानीकर्ताले न्यूनतम १०० कित्ताका लागि आवेदन दिनुपर्नेछ भने अधिकतम सेयर संख्याका लागि कुनै हद तोकिएको छैन।
लगानीकर्ताले एनआईसी एशिया क्यापिटल बबरमहल काठमाण्डौमा आईपुग्ने गरी आज कार्यालय समयभित्र बोलपत्र आवेदन पेश गर्नुपर्नेछ।