कृषि विकास बैंकले ऋणपत्र निष्कासनका लागि बोर्डबाट पायो अनुमति
2021-06-25
काठमाण्डौ । कुषि विकास बैंक लिमिटेडले नेपाल धितोपत्र बोर्ड(सेबोन)बाट ऋणपत्र निष्कासनको अनुमति प्राप्त गरेको छ । बैंकले गत असार १० गते ‘४ प्रतिशत एग्रिकल्चर बोन्ड ८ र ९ वर्षे’ नामक ऋणपत्र निष्कासनको अनुमति पाएको हो ।
धितोपत्र बोर्डबाट अनुमति पाएसँगै बैंकले प्रति इकाइ १ हजार रुपैयाँ अंकित दरका १२ करोड कित्ताले हुन आउने १२ अर्ब रुपैयाँ बराबरको ऋणपत्र निष्कासन गर्नेछ।
यो ऋणपत्रको निष्कासनकर्ता तथा बिक्री प्रबन्धकको रुपमा एनआईबीइल एस क्यापिटल लिमिटेड रहेको छ।
८ र ९ वर्षे अवधिको यो ऋणपत्रको वार्षिक ब्याजदर ४ प्रतिशत हुनेछ।
