गुराँस लाइफको बीमाशुल्क आर्जन २ अर्ब बढी

काठमाण्डौ । गुराँस लाइफ इन्स्योरेन्स कम्पनी लिमिटेडले चालु आर्थिक वर्ष २०७७/७८ को दोस्रो त्रैमाससम्ममा २ अर्ब ११ करोड ४ लाख २४ हजार रुपैयाँ खुद बीमाशुल्क आर्जन गरेको छ। यो रकम गत वर्षको सोहि अवधिको तुलनामा १२०.३५ प्रतिशतले धेरै हो। गत आ.व को दोस्रो त्रैमाससम्ममा कम्पनीले  ९५ करोड ७७ लाख ६८ हजार रुपैयाँ खुद बीमाशुल्क आर्जन गरेको थियो। 

यस्तै समिक्षा अवधिसम्म कम्पनीले लगानी कर्जा तथा अन्यबाट हुने आय बापत ३८ करोड ४८ लाख ६२ हजार रुपैयाँ आर्जन गरेको छ। अघिल्लो वर्षको दोस्रो त्रैमाससम्ममा यो रकम ३० करोड ३८ लाख २७ हजार रुपैयाँमा सीमित थियो। 

त्यस्तै समीक्षा अवधिसम्ममा कम्पनीले ३० करोड ६ लाख ३ हजार रुपैयाँ खुद दाबी भुक्तानी गरेको छ। अघिल्लो वर्षको सोही अवधिसम्ममा यो रकम १८ करोड ३३ लाख ६८ हजार रुपैयाँ थियो। यसरी हेर्दा अघिल्लो वर्षको तुलनामा कम्पनीले ६३.९३ प्रतिशत बढी दाबी भुक्तानी गरेको छ। 
 
आर्थिक वर्षमा कम्पनीले खुद नाफा बढाएको छ। दोस्रो त्रैमासको अन्त्यसम्म कम्पनी ८ करोड ४१ लाख ३८ हजार रुपैयाँ खुद मुनाफा आर्जन गर्न सफल भएको छ। यो रकम अघिल्लो वर्षको सोही अवधिकोभन्दा १४.४१ प्रतिशतले बढी हो। अघिल्लो वर्ष कम्पनीले ७ करोड ३५ लाख ४२ हजार रुपैयाँ मुनाफा आर्जन गरेको थियो। 

समीक्षा अवधिमा अघिल्लो वर्षको तुलनामा कम्पनीको व्यवस्थापन खर्च १३०.४० प्रतिशतले बढेको छ। कम्पनीको व्यवस्थापन खर्च २८ करोड ७६ लाख २ हजार रुपैयाँ छ। अघिल्लो वर्ष कम्पनीको व्यवस्थापन खर्च १२ करोड ४८ लाख २६ हजार रुपैयाँ थियो। 

त्यस्तै समीक्षा अवधिमा कम्पनीको जीवन बीमा कोषको आकार बढेर ९ अर्ब ३२ करोड ३६ लाख ७२ हजार रुपैयाँ पुगेको छ। जुन अघिल्लो वर्षको तुलनामा ३९.७१ प्रतिशतले बढी हो। अघिल्लो वर्ष कम्पनीको जीवन बीमा कोषको आकार ६ अर्ब ६७ करोड ३४ लाख ८९ हजार रुपैयाँमा सीमित थियो। 

अघिल्लो वर्ष ३४ करोड ७२ लाख ९७ हजार रुपैयाँको रहेको कम्पनीको जगेडा तथा कोषको आकार बढेर वर्ष ५० करोड ४९ लाख ७४ हजार रुपैयाँको उचाइमा पुगेको छ। 
त्यस्तै समीक्षा अवधिसम्म कम्पनीले १ लाख ६२ हजार २७३ बीमालेख संख्या जारी गरेको छ। अघिल्लो वर्षको दोस्रो त्रैमाससम्ममा कम्पनीले १ लाख ९९ हजार २५७ बीमालेख जारी गरेको थियो। 

कम्पनीको प्रति सेयर आम्दानी ८.५२ रुपैयाँ, प्रति सेयर नेटवर्थ १२८.२९ प्रति सेयर कुल सम्पत्तिको मूल्य ६४४.७९ रुपैयाँ र मूल्य आम्दानी अनुपात ७०.५३ गुणा रहेको छ ।