काठमाण्डौ । एनआईसी एशिया बैंक लिमिटेडले आफ्नो स्वामित्वमा रहेको तीनवटा लघुवित्तको संस्थापक सेयर लिलामीमा राखेको छ ।
बैंकले आफ्नो स्वामित्वमा महुली लघुवित्त, आरएमडीसी लघुवित्त र मेरो माइक्रोफाइनान्स लघुवित्तका संस्थापक सेयरहरु लिलामीमा राखेको हो । बैंकले आरएमडीसी लघुवित्तको ३ लाख ८६ हजार १९५ कित्ता, महुली लघुवित्तको ५५ हजार ५७० कित्ता र मेरो माइक्रोफाइनान्सको ५९ हजार ६६८ कित्ता संस्थापक लिलामीमा राखेको हो ।
आरएमडीसी लघुवित्तको सेयर खरिदका लागि न्यूनतम मूल्य प्रतिकित्ता रु.४७७ रुपैयाँ निर्धारण गरिएको छ। बोलपत्र आवेदन पेश गर्दा न्यूनतम १०० कित्ता र अधिकतममा सम्पुर्ण कित्ताका लागि आवेदन दिन सकिनेछ।
महुली लघुवित्तको सेयर खरिदका लागि न्यूनतम मूल्य प्रतिकित्ता रु.७६८ रुपैयाँ निर्धारण गरिएको छ। बोलपत्र आवेदन पेश गर्दा न्यूनतम ५०० कित्ता र अधिकतममा सम्पुर्ण कित्ताका लागि आवेदन दिन सकिनेछ।
यस्तै मेरो माइक्रमेफाइनान्सको सेयर खरिदका लागि न्यूनतम मूल्य प्रतिकित्ता रु.५७५ रुपैयाँ निर्धारण गरिएको छ। बोलपत्र आवेदन पेश गर्दा न्यूनतम १०० कित्ता र अधिकतममा सम्पुर्ण कित्ताका लागि आवेदन दिन सकिनेछ।
यी तीनवटै संस्थाको सेयर खरिदका लागि लगानीकर्ताले एनआईसी एशिया क्यापिटल बबरमहलमा आगामी असार ११ गते बैंकिङ समयसम्म बोलपत्र आवेदन पेश गर्नुपर्नेछ।