काठमाण्डौ । एशियन लाईफ इन्स्योरेन्स कम्पनी लिमिटेडको प्रमुख कार्यकारी अधिकृत(सीईओ)मा दिनेश लाल श्रेष्ठ नियुक्त भएका छन्।
कम्पनीको पुस ८ गते बसेको सञ्चालक समितिको बैठकले श्रेष्ठलाई सीईओमा नियुक्त गरेको हो। श्रेष्ठलाई आउँदो माघ १ गतेदेखि लागू हुने गरी कम्पनीको सीईओ पदमा नियुक्त गरिएको कम्पनीले जनाएको छ।
श्रेष्ठलाई सीईओमा नियुक्त गर्ने कम्पनीको प्रस्तावलाई बीमा समितिले गत मंसिर २९ गतेको पत्रमार्फत स्वीकृति प्रदान गरेको थियो।