जनरल इन्स्योरेन्सले थाल्यो आईपीओ निष्कासनको प्रक्रिया, पुग्यो धितोपत्र बोर्ड
2020-08-10
काठमाण्डौ। जनरल इन्स्योरेन्स कम्पनी लिमिटेडले आईपीओ निष्कासनका लागि प्रक्रिया अगाडि बढाएको छ।
कम्पनीले नेपाल धितोपत्र बोर्डमा आईपीओ निष्कासनको अनुमति माग्दै सुरुआती प्रक्रिया अगाडि बढाएको हो। कम्पनीले गत असार ५ गते बोर्डमा आईपीओ निष्कासनका लागि आवेदन दिएको छ।
कम्पनीले रु ३० करोडबराबरको ३० लाख कित्ता आईपीओ निष्कासन गर्न अनुमति मागेको छ। कम्पनीले चुक्तापुँजी १ अर्ब पुर्याउन आईपीओ निष्कासन गर्ने प्रक्रिया थालेको हो।
हाल कम्पनीको चुक्तापुँजी ७० करोड रुपैयाँ रहेको छ। कम्पनीले ३० करोड रुपैयाँबराबरको आईपीओ बिक्री गरेपछि चुक्तापुँजी १ अर्ब रुपैयाँ पुग्नेछ।
कम्पनीले आईपीओ निष्कासन तथा बिक्री प्रबन्धकमा एनआईबीएल एस क्यापिटललाई नियुक्त गरेको छ।
