जाल्पा सामुदायिक लघुवित्तको आईपीओ निष्कासन आजदेखि
काठमाण्डौ । जाल्पा सामुदायिक लघुवित्त वित्तीय संस्था लिमिटेडले आज(माघ २१ गते)देखि आईपीओ निष्कासन गरेको छ । कम्पनीले आम सर्वसाधारणका लागि ५ करोड २२ लाख रुपैयाँबराबरको रु.१०० अंकित दरका ५ लाख २२ हजार कित्ता आईपीओ निष्कासन गरेको हो ।
निष्कासन गरिएको सेयरमध्ये ३ प्रतिशत अर्थात २ लाख १० हजार कित्ता कर्मचारीहरुका लागि र ५ प्रतिशत अर्थात २६ हजार १ सय कित्ता म्युचुअल फन्डका लागि र ०.५ प्रतिशत अर्थात ८ हजार कित्ता कर्मचारीका लागि सुरक्षित राखि बाँकी रहेको ४ लाख ८७ हजार ९ सय कित्ता सेयर सर्वसाधारणका लागि निष्कासन गरिएको हो ।
लगानीकर्ताले न्यूनतम १० कित्ता र अधिकतममा ५ हजार २२० कित्ता सेयरका लागि दरखास्त आवेदन दिन सक्नेछन् ।
आईपीओ निष्कासन बन्द छिटोमा माघ २५ गते र ढिलोमा फागुन ६ गते बैंकिङ समयपछि हुनेछ ।
कम्पनीको आईपीओ निष्कासन तथा बिक्री प्रबन्धकको रुपमा प्रभु क्यापिटल लिमिटेड रहेको छ ।
