नेशनल माइक्रोफाइनान्स लघुवित्तको संस्थापक सेयरमा बोलपत्र आवेदन पेस गर्ने आज अन्तिम दिन
काठमाण्डौ । नेशनल माइक्रोफाइनान्स लघुवित्त वित्तीय संस्था लिमिटेडको लिलामी सेयरमा बोलपत्र आवेदन पेस गर्ने आज(असोज १३ गते)अन्तिम दिन रहेको छ । संस्थाको ३६ हजार ५०० कित्ता संस्थापक सेयर गत भदौ ३० गतेदेखि लिलामीमा राखिएको छ ।
यो सेयर खरिदका लागि इच्छुक विद्यमान संस्थापकहरु, वा जो कोहि व्यक्ति,कम्पनी,संघ संस्थाहरुले बोलपत्र आवेदन दिन सक्नेछन्। विद्यमान संस्थापकहरुलाई प्राथमिकता दिई लिलामीको सूचना प्रकाशित गरी ३५ दिनको समय दिइएकाले संस्थापक सेयरधनीहरुलाई छुट्टै ३५ दिनको सूचना प्रकाशित नगरिएको संस्थाले जनाएको छ।
सेयरको न्यूनतम मूल्य प्रति सेयर १०२२ रुपैयाँ तोकिएको छ। लगानीकर्ताले सेयर खरिदका लागि बोलकबोल गर्दा न्यूनतम १०० कित्ताका लागि आवेदन दिनुपर्नेछ भने अधिकतम सेयर संख्याका लागि कुनै हद लाग्ने छैन। बिक्री प्रबन्धकको रुपमा आरविवि मर्चेन्ट बैंकिङ लिमिटेड रहेको छ।
लगानीकर्ताले आरविवि मर्चेन्ट बैंकिङ लिमिटेड टेकु काठमाण्डौमा आजसम्म आईपुग्ने गरी बोलपत्र आवेदन पेश गर्नुपर्नेछ।
