काठमाण्डौ । फर्स्ट माइक्रोफाइनान्स लघुवित्त वित्तीय संस्था लिमिटेडले आज(असार १३ गते)देखि संस्थापक समूहतर्फको सेयर लिलामीमा राखेको छ । संस्थाले १ लाख कित्ता संस्थापक सेयर लिलामीमा राखेको हो ।
यो सेयरमा इच्छुक साविकका संस्थापक सेयरधनी वा योग्य जो कोहि व्यक्ति, कम्पनी, संघ संस्थाहरुले बोलपत्र आवेदन पेश गर्न सक्नेछन्।
सेयरको न्यूनतम मूल्य प्रतिकित्ता ३४५ रुपैयाँ रुपैयाँ निर्धारण गरिएको छ । यसर्थ लगानीकर्ताले न्यूनतम मूल्यभन्दा बढी मूल्य राखि बोलपत्र आवेदन पेश गर्नुपर्नेछ ।
यो सेयरको बिक्री प्रबन्धको रुपमा बीओके क्यापिटल लिमिटेड रहेको छ। लगानीकर्ताले आगामी साउन १७ गतेभित्र बीओके क्यापिटल लिमिटेड नक्साल काठमाण्डौमा आईपुग्ने गरी बोलपत्र आवेदन पेश गर्नुपर्नेछ। विद्यमान संस्थापकहरुलाई प्राथमिकता दिई लिलामीको सूचना प्रकाशित गरी ३५ दिनको समय दिइएकाले संस्थापक सेयरधनीहरुलाई छुट्टै ३५ दिनको सूचना प्रकाशित नगरिएको संस्थाले जनाएको छ।