बैंक अफ काठमाण्डूको कामु सीइओमा मास्के नियुक्त
2021-08-17
काठमाण्डौ । बैंक अफ काठमाण्डू लिमिटेडको कामु सीईओ(प्रमुख कार्यकारी अधिकृत)मा श्रवण मास्के नियुक्त भएका छन् । बैंकको साउन ३१ गते बसेको सञ्चालक समितिको बैठकले मास्केलाई कामु सीईओमा नियुक्त गर्ने निर्णय गरेको हो ।
बैंकको नायब प्रमुख कार्यकारी अधिकृतको रुपमा कार्यरत मास्केलाई भदौ २ गतेदेखि लागू हुनेगरी बैंकको कामु सीईओमा नियुक्त गरिएको हो ।
बैंकका यसअघिका सीईओ शोभन देव पन्तको कार्यकाल भदौ १ गतेदेखि समाप्त भएकाले रिक्त पदमा श्रवण मास्केलाई नियुक्त गरिएको हो ।
