सानिमा इन्स्योरेन्सलाई आईपीओ निष्कासनको अनुमति
2020-09-22
काठमाण्डौ। सानिमा जनरल इन्स्योरेन्स कम्पनीले आईपीओ निष्कासनका लागि अनुमति प्राप्त गरेको छ। कम्पनीले नेपाल धितोपत्र बोर्ड(सेबोन)बाट ३० लाख कित्ता सेयर प्राथमिक निष्कासनका लागि अनुमति पाएको हो।
अब सानिमाले चुक्तापूँजी १ अर्ब रुपैयाँको ३० प्रतिशत अर्थात् ३० करोड रुपैयाँ बराबरको प्रतिकित्ता रु।१०० का दरले ३० लाख कित्ता सेयर निष्कासन गर्नेछ ।
सानिमा जनरल इन्स्योरेन्स कम्पनीको धितोपत्र निष्कासन तथा बिक्री प्रबन्ध एनआइसी क्यापिटलले गर्नेछ ।
