गरिमा विकास बैंकको ‘गरिमा तीजको लहर’ टिकटक प्रतियोगिता सुरु

काठमाण्डौ। गरिमा विकास बैंकले  ‘गरिमा तीजको लहर’ टिकटक प्रतियोगिता आयोजना गर्ने भएको छ। यस टिकटक प्रतियोगितामा नेपालभित्र रहने सबै नेपाली दिदीबहिनीले भाग लिन सक्ने बैंकले जनाएको छ। 

यस प्रतियोगितामा प्रतियोगीहरुले भिडियो बनाउँदा तीजको मर्मलाई ख्यालमा राखी यस पर्वलाई सकारात्मक तरिकाले व्याख्या गर्ने कुनै पनि गित अथवा कन्सेप्टमा टिकटक भिडियो बनाउनुपर्नेछ। यस पर्वको मर्मविपरीत बनेको वा उच्छृंखल तबरले बनेका भिडियोहरुलाई विजेताका रुपमा छनोट नगरिने बैंकले जनाएको छ। 

यस प्रतियोगिताको विजेताले रु। ९ हजार, उप–विजेताले रु. ६ र तेस्रो हुनेले रु. ३ जित्ने छन् र एउटा अत्याधिक राम्रो कन्सेप्टमा बनेको भिडियोले रु. २ हजार जित्नेछन्। 

विजेताको घोषणा भिडियोमा आउने लाइकका आधारमा हुनेछ भने बेस्ट कन्सेप्ट भने अत्याधिक राम्रो कन्सेप्टमा बनेको भिडियोको आधारमा हुनेछ। 

यस टिकटक प्रतियोगिताको विस्तृत जानकारीहरु साथै सर्तहरुलाई बैंकको फेसबुक पेज र बेबसाइटमा राखिएको छ। इच्छुक महिला टिकटकरहरुले आज भदौ १० गतेदेखि भदौ २४ गतेसम्म टिकटक भिडियोको क्यापसनमा #GarimaTeejkolahar र #Garimabikasbank ह्यासट्याग प्रयोग गरि टिकटक भिडियो बनाउन सक्नेछन्।