राष्ट्र बैंकले जारी गर्ने ट्रेजरी बिलको बोलकबोल आज
काठमाण्डौ । नेपाल राष्ट्र बैंकले आज(माघ १७ गते) १०.१० अर्ब रुपैयाँको ट्रेजरी बिलको बोलकबोल गर्ने भएको छ।
राष्ट्र बैंकले माघ १८ गतेबाट जारी गर्न लागेको २८ दिने, ९१ दिने र १८२ दिने ट्रेजरी बिलको बोलकबोल आज गर्न लागेको हो । राष्ट्र बैंकले २८ दिनका लागि ५ अर्ब रुपैयाँको ट्रेजरी बिल जारी गर्नेछ। यो ट्रेजरी बिल आउँदो फागुन १७ गते परिपक्व हुनेछ।
त्यस्तै केन्द्रीय बैंकले ९१ दिनका लागि १० करोड रुपैयाँको ट्रेजरी बिल जारी गर्नेछ। यो ट्रेजरी बिल आउँदो २०७९ वैशाख २० गते परिपक्व हुनेछ।
यसैगरी राष्ट्र बैंकले १८२ दिने ५ अर्ब रुपैयाँको ट्रेजरी बिल जारी गर्नेछ। यो ट्रेजरी बिल भने २०७९ असार साउन १७ गते परिपक्व हुनेछन्।
यी ट्रेजरी बिलको भोलि दिउँसो २ बजे अनलाइनका माध्यमबाट बोलकबोल हुनेछ। बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन्।
बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँड हुने गर्दछ।
