सानिमा लाइफ इन्स्योरेन्सको आईपीओमा बिक्री आवेदन खुला, कहिलेसम्म दिन पाइन्छ आवेदन ?

काठमाण्डौ । सानिमा लाइफ इन्स्योरेन्स कम्पनी लिमिटेडले आज(साउन २० गते)देखि आईपीओ निष्कासन गरेको छ । 

कम्पनीले जारी पूँजी २ अर्ब रुपैयाँको ३० प्रतिशतले हुन आउने ६० करोड रुपैयाँबराबरको रु. १०० रुपैयाँ अंकित दरका ६० लाख कित्ता साधारण सेयर निष्कासन गरेको हो । कुल निष्कासनको ५ प्रतिशत अर्थात ३ लाख कित्ता कर्मचारीहरुका लागि र अर्को ५ प्रतिशत अर्थात ३ कित्ता सेयर सामूहिक लगानी कोषको लागि सुरक्षित राखि बाँकी ५४ लाख कित्ता सेयर आम सर्वसाधारण का लागि जारी गरिएको छ । 

लगानीकर्ताले न्यूनतम १० कित्तादेखि अधिकतममा ३० हजार कित्तासम्म आवेदन दिन सक्नेछन्। आईपीओ निष्कासन बन्द छिटोमा साउन २४ गते र ढिलोमा भदौ २ गते बैंकिङ समयपछि हुनेछ। 

आईपीओ निष्कासन तथा बिक्री प्रबन्धकमा प्रभु क्यापिटल लिमिटेड रहेको छ।