काठमाण्डौ । स्पर्श लघुवित्त वित्तीय संस्था लिमिभटेडले लाभांस वितरणको प्रस्ताव गरेको छ। संस्थाको हिजो(मंसिर २९ गते) बसेको सञ्चालक समितिको बैठकले गत आर्थिक वर्ष २०७६÷७७ को लागि लाभांस वितरणको प्रस्ताव गरेको हो।
बैठकले आ.व २०७६/७७ सम्मको सञ्चित मुनाफाबाट १९.५० प्रतिशत बोनस सेयर र १.०३ प्रतिशत नगद लाभांस गरी कुल २०.५३ प्रतिशत लाभांस वितरणको प्रस्ताव गरेको हो। संस्थाद्वारा प्रस्तावित कुल २०.५३ प्रतिशत लाभांसमा चुक्ता पुँजी ९ करोड ३७ लाख ४८ हजार १९० रुपैयाँको १९.५० प्रतिशतले हुन आउने १ करोड ८२ लाख ८० हजार ८९७ रुपैयाँ बराबरको बोनस सेयर र १.०३ प्रतिशतले हुन आउने ९ लाख ६२ हजार १५२ रुपैयाँ नगद लाभांस(कर प्रयोजनका लागि) रहेका छन्।
यो लाभांस नेपाल राष्ट्र बैंकबाट स्वीकृति पश्चात संस्थाको आगामी वार्षिक साधारण सभाबाट पारित गरी वितरण गरिनेछ।