एभरेष्ट इन्स्योरेन्सको वार्षिक साधारण सभा आज, यस्ता छन् मुख्य अजेन्डा

काठमाण्डौ । एभरेष्ट इन्स्योरेन्स कम्पनी लिमिटेडले वार्षिक साधारण सभा आज(जेठ १० गते) आयोजना हुँदैछ। कम्पनीको वैशाख १९ गते बसेको सञ्चालक समितिको बैठकको निर्णय बमोजिम २६औँ वाार्षिक साधारण सभा आयोजन हुन लागेको हो।

उक्त सभा हात्तिसारमा रहेको कम्पनीको प्रधान कार्यालयमा भिडियो कन्फ्रेन्समार्फत सभा आयोजन हुनेछ। सभामा गत आर्थिक वर्षका लागि कम्पनीद्वारा प्रस्तावित ८ प्रतिशत बोनस सेयर र ०.४२ प्रतिशत नगद लाभांस गरी कुल ८.४२ प्रतिशत लाभांस वितरणको प्रस्ताव पारित गरिनेछ।

यस्तै निर्जीवन बीमा व्यवसाय गर्ते उपयुक्त कम्पनीसँग गाभ्ने, गाभिने वा प्राप्ति गर्ने सम्बन्धमा सञ्चाल ससमसतलाई दिइएको अधिकारलाई निरन्तरता दिने प्रस्ताव पारित गरिनेछ। सभामा आर्थिक वर्ष २०७६/७७ को सञ्चालक समितिको वार्षिक प्रतिवेदनमाथि छलफल गरी पारित गरिनेछ। यसैगरी आर्थिक वर्ष २०७६/७७ को लेखापरीक्षणको प्रतिवेदन सहित वासलात, नाफा नोक्सान हिसाब, नगद प्रवाह विवरण लगायतका विवरणहरुमाथि छलफल गरी पारित गरिनुका साथै चालु आर्थिक वर्ष २०७७/७८ को लेखापरीक्षणका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित गरिनेछ।

वार्षिक साधारण सभा तथा लाभांस वितरण प्रयोजनका लागि कम्पनीले गत वैशाख २९ गते एक दिनका लाुगि बुक क्लोज गरिसकेकाले वैशाख २८ गतेसम्म कायम सेयरधनीहरु मात्रै कम्पनीद्वारा प्रस्तावित लाभांस प्राप्त गर्न तथा सभामा सहभागी हुने योग्य हुनेछन्।