प्राइम लाइफ इन्स्योरेन्सद्वारा लाभांस प्रस्ताव
काठमाण्डौ । प्राइम लाइफ इन्स्योरेन्स कम्पनी लिमिटेडले लाभांस प्रस्ताव गरेको छ। कम्पनीले आर्थिक वर्ष २०७५/७६ को मुनाफाबाट आफ्नो सेयरधनीहरुलाई चुक्ता पुँजिको कुल १५ प्रतिशत लाभांस वितरणको प्रस्ताव गरेको हो।
मंसिर १२ गते शुक्रबार बसेका कम्पनीको सञ्चालक समितिको बैठकले २०७५/७६ का लागि हाल कायम चुक्ता पुँजि रु. २ अर्ब २५ करोड ८९ लाख ३१ हजार ७९७ को ७ प्रतिशत बोनस सेयर र ८ प्रतिशत नगद लाभांस(नगद लाभांस र बोनस सेयरमा लाग्ने कर प्रयोजनका लागि समेत) वितरणको प्रस्ताव गरेको हो।
प्रस्तावित लाभांसमध्ये ७ प्रतिशतका दरले हुन आउने १५ करोड ८१ लाख २५ हजार २२६ रुपैयाँ बराबरको बोनस सेयर र ८ प्रतिशतले हुन आउने १८ करोड ७ लाख १४ हजार ५४४ रुपैयाँ बराबरको नगद लाभांस(नगद लाभांस र बोनस सेयरमा लाग्ने कर प्रयोजनका लागि समेत) रहेका छन्।
कम्पनीद्वारा प्रस्तावित लाभांस बीमा समितिको स्वीकृति तथा आगामी वार्षिक साधारण सभाबाट अनुमोदन भएपश्चात कम्पनीका सेयरधनीहरुलाई वितरण गरिनेछ।
