सिटिजन लाइफ इन्स्योरेन्स कम्पनीले बर्दियाको बबइ रेसोर्टमा “बर्दिया टाइगर मिट” कार्यक्रम सम्पन्न गरेको छ ।
सिटिजन लिडरहरुको क्षमता अभिवृद्धि गर्ने, उत्प्रेरणा जगाउने र हौसला प्रदान गर्नुका साथै पुनर्ताजगी तलिम प्रदान गर्ने उद्देश्यले सो कार्यक्रमको आयोजना गरिएको थियो ।
उक्त कार्यक्रममा नेपाल भरिबाट माघ र फाल्गुण महिनामा उत्कृष्ट व्यवसायिक सफलता हासिल गरी छनौट भएका १४४ भन्दा बढी सक्रिय सिटिजन लिडरहरुको उपस्थिति थियो । कार्यक्रममा सम्पूर्ण लिडरहरुलाई कम्पनीले सम्मान गरेको थियो ।
कार्यक्रममा कम्पनीका पश्चिम क्षेत्रको प्रमुख व्यवसाय अधिकृत धोज बहादुर खड्काले आफ्नो क्षेत्रमा रहेको यस तीन दिने कार्यक्रममा टाढा टाढा देखी आएका सम्पूर्ण लिडरहरुलाई स्वागत गर्न पाउदा खुशी लागेको बताएका थिए ।
कार्यक्रममा प्रमुख अथितिको रुपमा प्रेरक वक्ता सृष्टी के। सी।लाई आमन्त्रण गरिएको थियो । उनको जीवन सङ्घर्ष र त्यसप्रतिको सकरात्मक सोच, जीवनप्रतिको बुझाई भोगाई र प्रेरणादायिक वाक्यले सबैको आँखामा आँशु ल्याउनुका साथै जीवनमा अझै धेरै गर्न बाँकी छ भन्ने सकरात्मक ऊर्जा दिएको अनुभव गराइन् ।
कार्यक्रममा कम्पनीका प्रमुख बजार व्यवस्थापन अधिकृत भुषण रिमाल प्रमुख व्यवसाय अधिकृतहरु साथै विभिन्न एरिया र शाखा प्रवन्धकहरुको पनि उपस्थिति थियो ।
समापनको अवसरमा सिटिजन लाइफ इन्स्योरेन्सका प्रमुख कार्यकारी अधिकृत पोषक राज पौडेलले यस पेशालाई सम्मानित बनाउन र उत्कृष्ट लिडरहरुलाई पुरस्कृत गर्ने कार्यमा सिटिजन लाइफ इन्स्योरेन्स कम्पनी सदैव अग्रीणी रहेको र रहने बताउँदै यस्ता कार्यक्रमले व्यवसायिक क्षमता वृद्धिमा थप सहयोग पुग्ने बताए । उनको आगामी दिनहरुमा बीमामा आवद्ध भई उच्च सम्मान र उर्जाका साथ काम गर्नका लागि सिटिजन लिडरहरुलाई प्रेरित गरे ।