‘कुमारी धनवृद्धि योजना’ मा आवेदन दिने समयावधि थप
काठमाण्डौ । कुमारी सामूहिक लगानी कोष अन्तर्गत सञ्चालन हुने ‘कुमारी धनवृद्धि योजना’ मा आवेदन दिने समयावधि थप गरिएको छ । गत जेठ १२ देखि निष्कासन भएको कुमारी बैंक कोष प्रवद्र्धक तथा कुमारी क्यापिटल लिमिटेड योजना व्यवस्थापक रहेको १२ करोड इकाइको यो म्युचुअल फन्डमा अब जेठ २६ गतेसम्म आवेदन दिन सकिनेछ ।
प्रति इकाइ मुल्य रु.१० दरको १२ करोड इकाइमध्ये कुल बिक्री भएको इकाईको न्यूनतम १५ प्रतिशत अर्थात १ करोड ८० लाख इकालइले हुन आउने १८ करोड कोष प्रवद्र्धक कुमारी बैंकलाई सुरक्षित राखि बाँकी न्यूनतम १० करोड २० लाख इकाईले हुन आउने रु.१ अर्ब २ करोड आम सर्वसाधारणका लागि बिक्रीका लागि खुला गरिएको छ ।
लगानीकर्ताले न्यूनतम १०० कित्ता र अधिकतममा १ करोड २० लाख इकाइका लागि आवेदन दिन सक्नेछन् । लगानीकर्ताले नेपाल धितोपत्र बोर्डबाट धितोपत्र दरखास्त संकलनको लागि अनुमति प्राप्त बैंक तथा वित्तीय संस्थाहरु(आस्वा सदस्य) का आस्वा सेवा प्रदान गर्ने सम्पूर्ण कार्यालयहरुबाट र मेरो सेयरबाट आवेदन दिन सक्नेछन्।
